O Concello da Coruña, a través da concellaría de Cultura e Turismo, entende prioritario o desenvolvemento de actuacións de promoción turística nacidade, con medidas que favorezan a dinamización da hostalería, xeren fluxo de xente e revertan nun aumento da clientela dos negocios locais. Con este interese, atópanse as actividades relacionadas coa hostalería que, como parte dos negocios dacidade é de gran importancia no seutecido económico, teñen unha repercusión directa no turismo. Por este motivo, o desenvolvemento da XX edición do Concurso de Tapas Picadillo 2024, (que se celebrará do 22 de novembro e o 1 de decembro) pretende ser un nexo de unión e dinamización do turismo e da hostalería.

Este ano, o evento conmemora ademais o 150 aniversario do nacemento de Manuel Parga y Puga, Picadillo, (1874-1918) gastrónomo, xurista, político (foi alcalde da Coruña en dúas ocasións), escritor e, en definitiva, precursor indiscutible da crónica gastronómica galega. Picadillo foi o gran reivindicador dos pratos “de sempre” fronte á refinada cociña francesa, tan de moda entre os membros da alta sociedade da súa época. Precisamente o maior dos seus éxitos literarios foi o receitario “A cociña práctica”, editado no 1905 con prólogo de Emilia Pardo Bazán que, aíndahoxe, seguesendo un libro dos máis vendidos no seu ámbito. Inspirado nesta obra, o Concurso de Tapas Picadillo, o máis antigo de Galicia, premia as creacións dos hostaleiros coruñeses en dúas categorías: a de mellor tapa creativa e a de mellor tapa inspirada no receitario “A cociña práctica”.

Ademais da homenaxe anual a este gran defensor da cociña local, este evento serve de dinamizador da hostalería coruñesa como protagonista do tecido económico local e recurso turístico por excelencia. Sen dúbida, a promoción turística da cidade precisa deste tipo de certamen como parte do denominado turismo gastronómico, que conta cada vez con maior número de visitantes. Este tipo de iniciativas contribúe ademais á promoción da cidade como destino de experiencias gastronómicas de cociña tradicional, con produtos de proximidade e tempada e á vangarda en innovación culinaria